• Luvé au tchant du coq,
    Avou mès manètès lokes,
    Dji m'va min.nér lès vias,
    Lès vatches-èt lès torias
    Dins lès prés, lès pachis
    (bis)
    On pout dîre v'la l'sokia
    L'èwaré, èl sézi.
    À l'Europe, dji vos l'di,
    Èl fameû moncha d'bûre,
    C'èst grâce a mi droci !
    Oyi, dji d'è seû seur !

    Respleu :
    Dji seû coboye a l'ouèss' du Condroz,
    Naulène vaut bén le Colorado.
    Dji seû z-in pôve coboye
    Èt patavau lès voyes,
    T'ossi râde k'èl vint d'bîje,
    Su lès tchavéyes, lès tîdjes,
    Dji pèdale come in sot, o...o...o...
    Su m'pèdale stîle vélo...

    Kand c'èst l'fièsse, èl ducasse,
    Dji vûde sakantès pintes
    Au cabarèt dèl place
    Èyèt pou lès fé diskinte
    Èt pou k'lès djouweûs d'cautes
    Èm pay'nut sakantès-autes,
    Dji tchante Luis Mariano :
    "Mexicooo"
    Èt "Sur mon ch'val au grand galop"...

    Respleu

    Èl Walonîye, on pout l'dîre
    N'èst né co si foutûwe,
    Avou tout' sès bounès bîres
    Èl couléye continûwe.
    Mès mi, dji seû in lon'zom' pinteû,
    Coboye di l'Intrè-Samp-èt-Moûse,
    Coboye a l'Ouèss' du Condroz,
    Naulène, c'èst mya kè l'Ohio !

    Dj'a mès pîds dins l'berdouye,
    Mès ça m'fét branmint d'bén,
    Dji n'vos stitche né dès couyes,
    Tout fèl, on n'a jamay rén...
    Sins nos-autes lès cinsîs,
    N'aureut rén n-a mougnî,
    Pont d'frites sins canadas,
    Pont d'laurd sins lès pourchas.
    On m'dîra t'ègzagère!
    Mès godome in n-ambûrguère,
    Ça n'èst k'in vitoulèt
    stitchî dins-in pistolèt.


    Respleu (ad lib.)

    William Dunker - Condroz et Western
    (traduction)

    votre commentaire

  • Source : SUVinfo.

    Free Image Hosting at www.ImageShack.us
    Cliquez sur l'image. Source : 4x4GrosCon.

    12 commentaires

  • Suite à un blocage d'accès à leur propre blog, les Dégonflés se voient obligés de déménager. La nouvelle adresse : http://degonflees.blogspot.com

    12 commentaires